ماجد بولس - اسد التحرير - كسر الأوامر يوم الجمل و دى شهادة أحد الثوار عن ضابط تانى:
"عمري ما هنسي يوم موقعة الجمل لما طلبت من واحد من ظباط الجيش في الميدان حمايتنا. والظابط رد بمنتهي البرود وقال: اللي خايف يروح.ملناش دعوة
الروعة إن ماحدش روح.. و اللي كان قاعد في البيت نزل.. و انقلب السحر على الساحر.. يسلموا ولادك يا مصر"
حتعمل ايه يوم الجمعة 27 مايو - حتقعد فى البيت تتفرج عليهم فى التليفزين و لا يوتيوب زييى برضه رغم انى ابعد منك من التحرير بحوالى 10000 كم؟
انا يا سيدى خايب و خواف و مش عارف انزل و لا لأ يومها - خليك انت شجاع و فكر فى اللى بيحصل حواليك و مين اللى بيضحك عالناس لغاية دلوقت:
- مين اللى سايب المخلوع بيستموت فى مستشقى 7 نجوم و مصابين الثورة من غير أي مساعدة و بيرموهم بره مستشفيات الحكومة؟
- مين بيعتقل الشباب و يحاكمهم عسكرياً و يقول بلطجية و بعدين يطلعهم لما الناس تجعر فى وشه ؟
- مين ساب الناس فى امبابة يطحنوا فى بعض بعدج ما امن الدولة بالصدفة رجعوا شغلهم و ساب الكنيسة تولع اربع ساعات قبل ما يتحرك؟
- مين سايب البوليس على القهاوى و يلوم الناس و المظاهرات على الانفلات الأمنى و لما يظهروا يضربوا المتظاهرين العزل قدام سفارة كلاب الصهاينة؟
- مين بيلعب بأعصاب الناس ببيانات عكس بعض عن الاقتصاد اللى منهار بس مش منهار قوى؟
فكر و و اوزنها من غير عواطف و خوف من المستقبل اللى بإيد اللى خلقك و بعدين خد قرارك علشان ربنا هو بس اللى حيحاسبك - خذلت أخاك و أختك و سلمتهم ولا لأ؟
علي بركة الله سيري يا نورماندي تووو
ReplyDelete